(1857) Al feliz arribo de SS. AA. RR. A Cangas de Onis

link

¿Por qué'l corazon gozosu
ansí dientro el pechu salta?
¿Por qué rapazos y vieyos
non asosieguen por Cangues?
¿Qué yé lo que tal contentu
en esta fiel villa causa
que sin poder remediallo
gozosa, la xente canta?
Por que tien hoy la fortuna
por mil pueblos envididada
de ver á una rial persona...
á la so querida Infanta.
A la princesa que adora
la noble y valiente España;
á la madre de los probes
que naide en virtud iguala.
A la que fía de reyes
en falar non arrepara
con el home mas homilde
si solicita una gracia.
¡Que muncho ye qu'esta villa
teniendo fortuna tanta
non cese d'entamar dances
y en ixuxús se desfaiga!
Como yo pudiera vella,
si al falar no empapiellara
del cariñosu respetu
que mi corazon i guarda,
ansi diria: "Señora;
la xente que alegre danza
y qu'en gritos de contentu
tan augustu nombre aclama,
nunca olvidará la honra
que de vos recibe ufana,
al dignáse vuestra alteza
venir hoy a visitalla.
Por siempre vuestru semblante
grabau estará en so alma,
que cuando ye'l bien tan grande
allí el fiel astur lu guarda.
Adios, Señor; á la Virxen
tesoru d'esta comarca,
homildicos rogaremos
vos tenga siempre en so gracia"